Bertsoak - Fitxa ikusi Atal honi buruz gehiago jakiteko
2001-04-21 Urnieta Txapelketa [Bertsoa] / Iñaki Zelaia
2001-04-21 Urnieta Txapelketa [Bertsoa] / Iñaki Zelaia
Neurria:
Neurri luzekoak
Kokapena:
XDZ - Xenpelar Dokumentazio Zentroa
Burutik ezin det errez kendu
nik bere oroitzapenik,
berria jakin eta malkoak
atera zaizkit azkenik;
ezetza eman nion garaian
nik ez nun sentitu penik,
berria jakin jadanik,
segitzen ez daukat lanik (bis)
bere garaian inolaz ere
ezin nuen pentsatu nik,
hainbeste maite nindula eta
hori egingo zuenik. (bis)
Hirugarrengo pisutik salto
notizian arabera,
hogeita hamar urte zituen
eta posible ote da?
Eta gainera ez nuen izan
nik laguntzeko aukera;
morala jetsi zait behera
eta kolpetik gainera. (bis)
Gau eta egun nere barruan
eduki dezaket bera
maitasuna hitzak zentzu berdina
ez dauka gaurtik aurrera. (bis)
Zein sentimentu nuen lehenago
esplikatu det ondoen,
nere bizitzak izango baitu
berataz hainbat aipamen.
Hala ta guztiz izan behar da
jarraitzeko aina kemen;
geroa ez dago garden,
neroni ez nago lerden, (bis)
baina buelta eman behar zaio
ondo pentsatu ondoren,
sufrimentuak esaten baitu
gozamena zein ona den. (bis)
Datu-base honetan eskainitako informazioari buruz jakiteko, kontsultatu lege oharra