Bertsoak - Fitxa ikusi   Atal honi buruz gehiago jakiteko

2013-12-15 Barakaldo Txapelketa 16:15 [Bertsoa] / Amets Arzallus, Beñat Gaztelumendi

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (16. 2013)
Saioa
2013-12-15 Barakaldo Txapelketa 16:15
Gai-emailea
Iarritu, Zuriñe
Bertsolariak / Egileak
Arzallus, Amets
Gaztelumendi, Beñat
Lana
Binaka gaia-emanda puntutan
Jarritako gaia
Kalean besarkadak dohainik emateko izena eman zenuten. Petoa jantzi, eta besarkadak ematen hastera zoazte.

Deskribapena

Doinua
Xarmangarria zera I
Neurria / Estrofaren izena
Zortziko txikia (hg) / Lau puntuko txikia (ip)
Bertso kopurua
8

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

Argitalpen datuak

Argitalpenaren izenburua
Bertsolari Txapelketa Nagusia 2013 [Liburua]

2013-12-15 Barakaldo Txapelketa 16:15 [Bertsoa] / Amets Arzallus, Beñat Gaztelumendi

Neurria:  Zortziko txikia (hg) / Lau puntuko txikia (ip)  Argitalpenaren izenburua:  Bertsolari Txapelketa Nagusia 2013 [Liburua]
Kokapena:  XDZ - Xenpelar Dokumentazio Zentroa 


A. Arzallus: Ze bihotz zabal dudan
ez dakizu jakin!
B. Gaztelumendi: Besarkada askorik
ez dezu nerekin
A. Arzallus: nik gehiago ematen dut
beso luzeekin
B. Gaztelumendi: zu ikusita ohi zait
odola irakin.

B. Gaztelumendi: Nigana behintzat inor
ez da inguratu
A. Arzallus: ta zergatik ote den
beharko da pentsatu.
B. Gaztelumendi: Akaso bikotea
behar det aldatu
A. Arzallus: hara hor alkatea
zaigu arrimatu.

A. Arzallus: Nik ez diot emango
zuk eman zaiozu
B. Gaztelumendi: exigentzi askokin
nigana zatoz zu.
A. Arzallus: Beste politiko bat
ere hortxe zaizu
B. Gaztelumendi: hari bi igual eman
behar dizkiozu.

B. Gaztelumendi: Zure ondoan nago
disimulatua
A. Arzallus: baina besarkada da
gauza sakratua
B. Gaztelumendi: zu hain tipo serioa
hain tipo altua
A. Arzallus: zuk egizu irripar
madarikatua!

A. Arzallus: Ta bat emango dugu
guk bion artean
B. Gaztelumendi: norbait etorri dadin
halako batean.
A. Arzallus: Besteei emateko
entrena gaitean
B. Gaztelumendi: guretzat inork ezer
ez dun bitartean.

B. Gaztelumendi: Egin beharko degu
elkarrekin froga
A. Arzallus: baina altura pixka’t
adostu beharko da
B. Gaztelumendi: nik jaso gabe pasa
det nahiko denbora
A. Arzallus: nik eskuak burura
eta zuk lepora.

A. Arzallus: Tira ez da gaizki irten
lehen ahalegina
B. Gaztelumendi: bigarrenez egingo
al degu berdina?
A. Arzallus: Bai pixka’t kilimatu
zait bihotz ixkina
B. Gaztelumendi: ai antzekoagoak
etorri bagina!

B. Gaztelumendi: Beraz saia gaitezen
petoak kenduta
A. Arzallus: ez elkarren ondotik
hala aldenduta.
B. Gaztelumendi: Gurea ez da oso
langintza arrunta
A. Arzallus: tori musu bat ere
nik maite zaitut ta.

Datu-base honetan eskainitako informazioari buruz jakiteko, kontsultatu lege oharra