Bertsoak - Fitxa ikusi   Atal honi buruz gehiago jakiteko

2013-12-15 Barakaldo Txapelketa 11:00 [Bertsoa] / Aitor Sarriegi

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (16. 2013)
Saioa
2013-12-15 Barakaldo Txapelketa 11:00
Gai-emailea
Jauregi, Saroi
Bertsolariak / Egileak
Sarriegi, Aitor
Lana
Bakarka gaia-emanda kartzelako-lana
Jarritako gaia
Egoerak beste aldean jarri zaitu.

Deskribapena

Doinua
Gure herri ttiki hau da
Neurria / Estrofaren izena
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

Argitalpen datuak

Argitalpenaren izenburua
Bertsolari Txapelketa Nagusia 2013 [Liburua]

2013-12-15 Barakaldo Txapelketa 11:00 [Bertsoa] / Aitor Sarriegi

Neurria:  Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)  Argitalpenaren izenburua:  Bertsolari Txapelketa Nagusia 2013 [Liburua]
Kokapena:  XDZ - Xenpelar Dokumentazio Zentroa 


Gogoratuz garai baten
munduratu zen umean
ideia jakinak ziren
han gure ingurunean
Goierriko herri hartan
herri txiki ta xumean.
Ondorenean sasian
kanpoan ta urrunean.
Barrua ere probatu dut
nere txikitasunean
eta gaur egun jadanik
neure askatasunean
barruan zerbait lehertu zait
daukat hor gaur egunean
alargunari eskua
eman diodan unean. (bis)

Neuk tiroz hil nuenaren
alarguna zen jakina.
Egoera aldatu da
lan asko baita egina
baina gaur bizi izan det
nere ekintzaren gordina
gertuan ikusi arte
ezer ez baita berdina.
Ez da izan erosoa
ez da izan atsegina
nik ere badakit zer den
sufrimentu ta ezina
baina egin beharrean
besterik gabe muzina
orain nere sentitu det
eragin diodan mina. (bis)

Begietara begira
egon pare bat segundu
bi bizitza dira noski
bi bizitza ta bi mundu.
Biktimak gure ahotan
sarritan hartu ditugu
baina zer esaten dugun
ez nago oso seguru.
Onartu gabe egon naiz
hogei bat urte inguru
baina gaur aurpegiz aurpegi
gaude eta buruz buru
eta biharko herri bat
baldin badugu helburu
batak bestearen mina
onartu beharko dugu. (bis)

Datu-base honetan eskainitako informazioari buruz jakiteko, kontsultatu lege oharra