Bertsoak - Fitxa ikusi   Atal honi buruz gehiago jakiteko

2013-12-15 Barakaldo Txapelketa 11:00 [Bertsoa] / Igor Elortza, Beñat Gaztelumendi

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (16. 2013)
Saioa
2013-12-15 Barakaldo Txapelketa 11:00
Gai-emailea
Jauregi, Saroi
Bertsolariak / Egileak
Elortza, Igor
Gaztelumendi, Beñat
Lana
Binaka gaia-emanda
Jarritako gaia
Zuen umea batere gustukoa ez duzuen bikote baten umearen oso lagun egin da. Zuk, Igor, uste duzu bikote horrenagana hurbiltzeko ahalegina egin beharko zenuketela. Beñatek ez du ezer jakin nahi.

Deskribapena

Doinua
Dozena bat bertso berri A
Neurria / Estrofaren izena
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

Argitalpen datuak

Argitalpenaren izenburua
Bertsolari Txapelketa Nagusia 2013 [Liburua]

2013-12-15 Barakaldo Txapelketa 11:00 [Bertsoa] / Igor Elortza, Beñat Gaztelumendi

Neurria:  Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)  Argitalpenaren izenburua:  Bertsolari Txapelketa Nagusia 2013 [Liburua]
Kokapena:  XDZ - Xenpelar Dokumentazio Zentroa 


I. Elortza:
Neu ere ez nago seguru
ta zuk diozu “Tururu!”
baina zeozer aklaratzea
da nire helburu.
Txikitan pardel ta inguru
garbitu izan ditugu
geure umea da ta hau ere
egin beharko dugu. (bis)

B. Gaztelumendi:
Lehen horrenbeste iseka
hitza elkarri gordeta
haurrak ta gure artean bila
dezagun oreka
goza dezaten tarteka
egunak hala beteta
jolaserako gure beharrik
ez daukate eta. (bis)

I. Elortza:
Ez dituzula nahi hurre
nahiz ta haurra izan urre
parka ez zaitez hasieratik
zu horrela erre.
Jarriko naiz aurrez aurre
neuk egin hitzari arre
zu jarri zaitez aldamenean
ta egin irriparre. (bis)

B. Gaztelumendi:
Jolasa ez da itzela
aipatzen dezun bezela
haserre batzuk ahazterik guk
ez baitegu bela.
Beste umea horrela
irrifartsu dagoela
iruditzen zait bere aitaren
antzekoa dela. (bis)

I. Elortza:
Antza dauka duda barik
neronek ere zin dagit
baina txistua irentsi beharko
dugu zuk eta nik.
Zer zabiltz hoiek esanik
heldua zara jadanik
bizitza jolas bat dela uste
al zendun oraindik? (bis)

B. Gaztelumendi:
Badakit hala ez dela
gaizki gabiltza bestela
parkean hortxe bi baloi haurrak
ta erdian orbela.
Ez naiz joango horrela
eskatu dezun bezela
ta nahi badute haiek gugana
etor daitezela! (bis)

Datu-base honetan eskainitako informazioari buruz jakiteko, kontsultatu lege oharra