Bertsoak - Fitxa ikusi Atal honi buruz gehiago jakiteko
2013-11-24 Donostia Txapelketa [Bertsoa] / Alaia Martin
| Bertsoa entzun |
2013-11-24 Donostia Txapelketa [Bertsoa] / Alaia Martin
Neurria:
Hamalaukoa, handiaren moldekoa, 9 puntuz (hg) / Bederatzi puntukoa, handiaren moldekoa (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
Naufragoa, Habanera
edota doinu hau bera
baneuzkan nahiko galdera
baina egin dut aurrera.
Nire baitara bilduta nago
sartu naiz neure barnera
nortasuna da inportanteena
hontan nere arabera.
Puntuaketa errimak doaz
garunean gora-behera
Gaskako atari honetan nago
atera edo ez atera
baina ezin det beldurrez galdu
finalerako aukera. (bis)
Alaia daukat izena
eta Martin abizena
nahiko argi dut naizena
eta izan nahi nukeena
baina kartzelan kolpe batekin
galdu liteke kemena
ta tximeletez ta xaguxarrez
bete da nire barrena
baina aukera ta luxu bat da
eskuartean dagoena.
Torrotxok behintzat hola esan dit
eskainiaz babes dena:
“Atera eta egin ezazu
bakarkakorik onena!”. (bis)
“Jar zazu ahots eztia
saldu bertso garestia
izan zaitez amestia
bazara buru askia”
baina dardarka hasi ohi zaigu
zapata zolen azpia
dardarka jartzen zaigu bizitza
kopeta izerdiz bustia.
Pasa ez pasa bihar goizean
irtengo da eguzkia
guztia eman eta albora
utziko dut angustia
saituz gero lor bailiteke
amesten dugun guztia. (bis)
Datu-base honetan eskainitako informazioari buruz jakiteko, kontsultatu lege oharra