Bertsoak - Fitxa ikusi Atal honi buruz gehiago jakiteko
2013-11-24 Donostia Txapelketa [Bertsoa] / Aitor Sarriegi
| Bertsoa entzun |
2013-11-24 Donostia Txapelketa [Bertsoa] / Aitor Sarriegi
Neurria:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
Batzuetan kaminoa
besteetan espaloia
eguzkia ere noiznahi
sarri lokatza ta lohia
apartekoa ez da izan
nik izan dudan sasoia
ahalegintzeko aukera ere
sarri askotan doi-doia
baina gaur jo nahi nuen nik
ahal zela hemen goia
badut motiboa eta
badut nere arrazoia
betidanik nahi izan dut
izan nahi gabe heroia
egun baten bukatzea
Donostiko maratoia. (bis)
Bizitzak garai batean
indarrean hartu nau ta
izan ditut arazoak
ta ez da inongo mauka:
patuak bihotzeko bat
jarri zidan nere aurka
baina oraindik hor dabil
hor dabil taupa ta taupa.
Inguruan txakur batzuk
korrika zaunka ta zaunka
senitartekoek ere
“Benga Aitor, animo, aupa!”.
Gogorra izanagatik
aukeratu nuen pauta
era hontan bukatzeak
meritu bikoitza dauka. (bis)
Guztiz nago nekatua
uzteko esan dit barrenak
hanketan sentsazioak
ere inoizko txarrenak
baina gogoan harturik
esaten zizkidatenak
berdin prestatzaile edo
berdin medikuarenak
ta ikusirik pasatu
ditudala hiru laurdenak
gerora gorde nahi ditut
hemengo oroitzapenak
zeozer handia egin
baitu hau egin duenak
ta helmugara iristean
ahaztuko zaizkit denak. (bis)
Datu-base honetan eskainitako informazioari buruz jakiteko, kontsultatu lege oharra