Bertsoak - Fitxa ikusi Atal honi buruz gehiago jakiteko
2013-11-24 Donostia Txapelketa [Bertsoa] / Etxahun Lekue, Jon Martin
| Bertsoa entzun |
2013-11-24 Donostia Txapelketa [Bertsoa] / Etxahun Lekue, Jon Martin
Neurria:
Zortziko txikia (hg) / Lau puntuko txikia (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
E. Lekue: Zer egin behar dogu
hemendik aurrera?
J. Martin: Ausartuko al gara
Mapfrera deitzera?
E. Lekue: Guk alperrik ikasi
genduan karrera
J. Martin: kazetaritza gutxi
hortikan aurrera.
J. Martin: Hobe genun bagina
biak mekaniko
E. Lekue: orduan ibiliko
ginake polito
J. Martin: hara hor ez jakinak
garen bi mutiko
E. Lekue: katuari deika gu
ez al gara hasiko?
E. Lekue: Siamesa etxean
daukagun katua
J. Martin: nik berriz daukat persa
madarikatua.
E. Lekue: Batxe txarrean zara
lehenago sartua
J. Martin: rueda behintzat ez zaigu
ondo geratua.
J. Martin: Geratua bai baina
ez ondo egona
E. Lekue: tornilloak kentzera
etor zaitez hona.
J. Martin: Fredi ez al da horkoa
hau zer degu broma?
E. Lekue: Guri mon amour esan
ta hor dago egona.
E. Lekue: Baina kabroia ez da
baezpada geratu
J. Martin: Fredi finalerako
baietz gaur sailkatu!
E. Lekue: Ez ete dau ba berak
gurpila trukatu?
J. Martin: Hemen zakurra zakur
ta katua katu.
J. Martin: Gero pasa da Elortza
eta hau gelditu
E. Lekue: klaro guk baino puntu
askoz gehiau ditu
J. Martin: honek ez ditu behar
hainbat zirrikitu
E. Lekue: barreka joan dala
jat niri iruditu.
E. Lekue: Antolatzaileeri
deitu behar jake
J. Martin: “Torrotxo”k ez du aurpegi
goxorik gaur bat’e.
E. Lekue: Bideokonferentziz
hartu daigun parte
J. Martin: hemen zegon aukerik
baldin baleukake.
J. Martin: Bueno taxi batean
goazen aurrera
E. Lekue: egin geinkean gauza
bakarra horixe da.
J. Martin: Taxian iritsiko
gara Gaska aldera
E. Lekue: baina taxian ere
gu ez finalera.
Datu-base honetan eskainitako informazioari buruz jakiteko, kontsultatu lege oharra