Bertsoak - Fitxa ikusi   Atal honi buruz gehiago jakiteko

2013-11-24 Donostia Txapelketa [Bertsoa] / Fredi Paia, Aitor Sarriegi

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (16. 2013)
Saioa
2013-11-24 Donostia Txapelketa
Gai-emailea
Jauregi, Saroi
Bertsolariak / Egileak
Paia, Fredi
Sarriegi, Aitor
Lana
Binaka gaia-emanda puntutan
Jarritako gaia
Aitor eta Fredi udaleko langileak zarete. Herritarrek egindako pintura-ikastaro bateko margoen erakusketa bat muntatzen ari zarete.

Deskribapena

Doinua
Mendiko umea naiz
Neurria / Estrofaren izena
Zortziko txikia (hg) / Lau puntuko txikia (ip)
Bertso kopurua
8

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

Argitalpen datuak

Argitalpenaren izenburua
Bertsolari Txapelketa Nagusia 2013 [Liburua]

2013-11-24 Donostia Txapelketa [Bertsoa] / Fredi Paia, Aitor Sarriegi

Neurria:  Zortziko txikia (hg) / Lau puntuko txikia (ip)  Argitalpenaren izenburua:  Bertsolari Txapelketa Nagusia 2013 [Liburua]
Kokapena:  XDZ - Xenpelar Dokumentazio Zentroa 


A. Sarriegi: Gaur egun edozein da
hemen pintorea
F. Paia: ba Picasso ez gendun
hau baino hobea.
A. Sarriegi: Gustatzen al zaizu ba
daukan kolorea?
F. Paia: Abstraktismoa dauka
barruan gordea.

F. Paia: Hemen, “Igeldo aske”
jartzen du bakarrik
A. Sarriegi: zeinek pintatu duen
ez da esan beharrik!
F. Paia: Donostiko Udalean
jarriko nuke nik
A. Sarriegi: baino han ez da jartzen
horren kuadro txarrik.

A. Sarriegi: Han lehenago zeukaten
erregearena
F. Paia: adar ta buztanakin
hemen dagoena
A. Sarriegi: erakusketan ondo
geratuko dena
F. Paia: guk ezin dugu erre
hori da problema.

F. Paia: Beitu hemen beste bat:
Aitor Sarriegi
A. Sarriegi: eta bere ondoan
hortxe dauka Fredi.
F. Paia: Saria eman behar zaio
kuadro on honeri
A. Sarriegi: ba nik ez det jarriko
hortan lan gehiegi.

A. Sarriegi: Esperantza haundirik
ez zazula izan
F. Paia: deabruan koadro hau
ederki elizan.
A. Sarriegi: Antzematen zaitut nik
zu betiko gisan
F. Paia: espraikin nenbilen
Picassoren gisan.

F. Paia: Gero langile sartu
eta apaldu naiz
A. Sarriegi: holakoak pasatu
izan dira lehen maiz.
F. Paia: Beitu kuadro hau dabil
Sorollaren usaiz
A. Sarriegi: ba nik ez det ikusten
horren modu alaiz.

A. Sarriegi: Nahi dezun dena baina
gu biok lanean
F. Paia: azken fonema ez dut
ulertu azkenean
A. Sarriegi: zerbait egin behar dela
agintzen denean
F. Paia: nik beti egiten dut lan
hemen ta etxean.

F. Paia: Lo soilik ez dut eiten
lotan baldin banaiz
A. Sarriegi: bueno ez dizu egingo
zuri hainbeste gaitz.
F. Paia: Kuadro guzti hauek jarri
ta alda dezagun gaiz
A. Sarriegi: zurekin segi baino
hobe sartu apaiz!

Datu-base honetan eskainitako informazioari buruz jakiteko, kontsultatu lege oharra