BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (16. 2013)

Saioa

2013-11-24 Donostia Txapelketa

Gai-emailea

Jauregi, Saroi

Bertsolariak / Egileak

Elortza, Igor

Paia, Fredi

Lana

Binaka gaia-emanda

Jarritako gaia

Aita-semeak zarete. Zu Igor, semea, spinning-eko irakaslea zara. Fredi aita jubilatu berri da, eta spinning-eko ikastaroan hasi da gaur zurekin.

Deskribapena

Doinua

Nere senarrarekin I

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2013-11-24 Donostia Txapelketa [Bertsoa] / Igor Elortza, Fredi Paia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Elortza:

Atetik ikusi ta
a ze zartakoa
ia begietatik
irten zait malkoa
gaur lezio batekin
baduzu nahikoa
ur botellina ekarri
ta ez zahatoa. (bis)

F. Paia:

Ez dago ardo edanda
ein ezin dan lanik
fundizioan urte asko
eman dut nik
makina ta atso hauekin
hemen ikusirik
ordaintzen al dizute
seme honengatik?


I. Elortza

Oso ondo ordaintzen
dute aita entzun
ta zeuk’e aginduei
ganorez erantzun
nik nire kuloteak
utzi nahi nizkizun
baina ez nago ziur
sartuko zaizkizun. (bis)

F. Paia:

Nik hezi nahi zintudan
txuleta onak janez
baina etxea bete
zan ume jakanez
utzi ba praka hoiek
zure aitaren senez
kulotea baduzu
baina ipurdirik ez. (bis)

I. Elortza:

Aita zuretzako hau
berandu da jada
gaur ere jango zenun
baba platerkada
ezin al zenun egin
lagunen erara
mendira trankil joan
perretxikotara. (bis)

F. Paya:

Gimnasioa hurbilago
dagonez etxetik
aita aguantatu behar
duzu seme oraindik
juan Igortxungana
amatxuk esan dit
daukan pixu apurraz
desagertu aurretik. (bis)