Bertsoak - Fitxa ikusi   Atal honi buruz gehiago jakiteko

2013-11-23 Elizondo Txapelketa [Bertsoa] / Beñat Gaztelumendi, Iñigo Mantzizidor "Mantxi"

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (16. 2013)
Saioa
2013-11-23 Elizondo Txapelketa
Gai-emailea
Anbustegi, Fernando
Bertsolariak / Egileak
Gaztelumendi, Beñat
Mantzizidor, Iñigo "Mantxi"
Lana
Binaka gaia-emanda
Jarritako gaia
Lagunak zarete. Beñat, Mantxik autoa garbitzeko laguntza eskatu dizu. Autoa garbitzera joan, eta 30 minutu daramatzazue autotik gauzak ateratzen.

Deskribapena

Doinua
Kantatzera nijoa
Neurria / Estrofaren izena
Zortziko txikia (hg) / Lau puntuko txikia (ip)
Bertso kopurua
6

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

Argitalpen datuak

Argitalpenaren izenburua
Bertsolari Txapelketa Nagusia 2013 [Liburua]

2013-11-23 Elizondo Txapelketa [Bertsoa] / Beñat Gaztelumendi, Iñigo Mantzizidor "Mantxi"

Neurria:  Zortziko txikia (hg) / Lau puntuko txikia (ip)  Argitalpenaren izenburua:  Bertsolari Txapelketa Nagusia 2013 [Liburua]
Kokapena:  XDZ - Xenpelar Dokumentazio Zentroa 


B. Gaztelumendi:
Guztia da papera
ta arropa dena
platano bat aspaldi
usteldua zena...
Zure kontra barruan
amorru ozena
hau zer dezu kotxea
edo almazena? (bis)

Mantxi:
Almazen pribatua
hauxe degu klaro
horrexegatik dago
kontua oparo.
Ordu erdi ateratzen
marka ondo dago
sartzen kosta zitzaidan
askozaz gehiago! (bis)

B. Gaztelumendi:
Zure katxi, baso ta
beroki ta aterki
bai ikusten da kosta
zaizula ederki.
Ordu erdi ez da joan
emeki-emeki
eta maleteroa
ez degu ireki! (bis)

Mantxi:
Barkamena eskatu
nahi dizut lehenbailehen
oraintxe ohartu naiz
zenbat gauza dauden.
Alfonbraren azpian
azaldu da ejem!
Zure neskan pulserak
ze egiten du hemen? (bis)

B. Gaztelumendi:
Sorpresa bat hartu det
nahikoa itzela
hau izan dezu mila
nesken pasarela
baino ibili ezkero
zabiltzan bezela
ziur nago baten bat
hemen bizi dela. (bis)

Mantxi:
Ba hori ez nun pentsatu
baina hortxe bego!
Izan dira Arantxa
Pili, Jone, Bego
neskak pasatu dira
hango ta hemengo
baina hemen badago
bizik ez da ertengo. (bis)

Datu-base honetan eskainitako informazioari buruz jakiteko, kontsultatu lege oharra