Bertsoak - Fitxa ikusi Atal honi buruz gehiago jakiteko
2013-11-16 Oiartzun Txapelketa [Bertsoa] / Alaia Martin, Aitor Sarriegi
| Bertsoa entzun |
2013-11-16 Oiartzun Txapelketa [Bertsoa] / Alaia Martin, Aitor Sarriegi
Neurria:
Zortziko handia (hg) / Lau puntuko handia (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
A. Sarriegi:
Saio eder bat egin genezan
esan ziguten aurrena
ta hor gabiltza gure ehun ta bat
gazteluetan barrena
baina audientzian eduki dugu
inoizko datu txarrena
Julian Iantzik kaltzontzilotan
aurkez dezala hurrena. (bis)
A. Martin:
Gazteluotan ezin liteke
herensugerik aurkitu
norbaitek behintzat ikusi du ta
badugu nahiko meritu.
Julianena ideia ona da
horrela zait iruditu
Julian Iantzik kantzontziloak
eranzten baldin baditu. (bis)
A. Sarriegi:
Programaraino etortzen zaigu
makina bat astakirten
zerbait fuertea behar degula
badet zenbait irudipen
ta Iantzirenak ez baldin badu
audientzian eragiten
Jon Maia jarri beharko dugu
mamuarena egiten. (bis)
A. Martin:
Baina orduan egongo dira
ikusleak beldurtuta
Jon Maiak maila eta altura
nahiko handia badu ta.
Beste zeozer bila daiteke
programa hau osatuta
Gazta zati bat sar genezake
copyright-a eskatuta. (bis)
A. Sarriegi:
Ez dakit hasi behar genukeen
halakoak erakusten
brainstorming-a burutu dugu
hasirik ideiak husten
baina ez dakit gu lan honetan
zergatik jarri gaituzten
egia aitortu behar badizut
neuk ere ez dut ikusten. (bis)
A. Martin:
Nik ere ez dut ikusten baina
ez horren altu hitz egin
beste aukera bat eman digute
goiko partetik behinepin.
Gure programa ken dezatela
ez badaukate atsegin
ta beti egiten duten bezela
jar dezatela Mister Bean. (bis)
Datu-base honetan eskainitako informazioari buruz jakiteko, kontsultatu lege oharra