Bertsoak - Fitxa ikusi Atal honi buruz gehiago jakiteko
2013-11-09 Gernika-Lumo Txapelketa [Bertsoa] / Amets Arzallus, Jon Martin
| Bertsoa entzun |
2013-11-09 Gernika-Lumo Txapelketa [Bertsoa] / Amets Arzallus, Jon Martin
Neurria:
Zortziko handia (hg) / Lau puntuko handia (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
J. Martin:
Iraken giro beroa dago
beroa ta irakina
bertan bahitu egin gintuzten
eta zer-nolako mina!
Nahiz atseginez hartu dugun gaur
etxerako hegazkina
bueltan doana ez da izango
joan zen pertsona berdina.
A. Arzallus:
Bi urtetan han ibili gara
itxaropenari eusten
ta indar egin ohi denean maiz
haririk ez denez hausten
ze fanatismo zeukaten hoiek
ta zer arrazoi zituzten
zauri barruan dagonarentzat
oso zaila da ikusten.
J. Martin:
Gerra batean hamaika gorpu
mila bihotz odolustu.
Kazetariak beti behar du
objetibo eta justu.
Gure jarrera aldatu dela
egingo nuke apustu
beraien hortzak zorroztu dira
gure lapitzak kamustu.
A. Arzallus:
Nahiz zorrozteko nik etengabe
egin ditudan indarrak
zenbat sufritu duen urteetan
populu irakiarrak!
Hori kontatu asmotan joan ta
luzatu zaizkit bizarrak
objetiboak ginela uste ta
objetibo militarrak.
J. Martin:
Objetiboa, subjetiboa
baita aldien erditan
gure bihotzak jada hautsita
puskatuta daude bitan.
Mindu gaituzte baina zauriak
itxiko dira egitan
“Ongi etorri” irakurtzean
nere semean begitan.
A. Arzallus:
Nola argitu nahi genituen
Irakeko alde beltzak
ta azkenean gu bahiturik
ikusi gaitu jendetzak.
Zer ari gara azaldu nahian
hango gatazkaren ertzak?
Lehendabiziko besarkada bat
zai egon zaretenentzat.
Datu-base honetan eskainitako informazioari buruz jakiteko, kontsultatu lege oharra