Bertsoak - Fitxa ikusi Atal honi buruz gehiago jakiteko
2013-10-13 Altsasu Txapelketa [Bertsoa] / Beñat Gaztelumendi, Jexux Mari Irazu Muñoa
Bertsoa entzun |
2013-10-13 Altsasu Txapelketa [Bertsoa] / Beñat Gaztelumendi, Jexux Mari Irazu Muñoa
Neurria:
Zortziko txikia (hg) / Lau puntuko txikia (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
J.M. Irazu:
Biyok tailer bat eta
adina amaitu
baina deskantsuakin
al zera etsaitu?
Etorri gabe ezin
al zara lasaitu?
Edo eta andreak
bialtzen al zaitu? (bis)
B. Gaztelumendi:
Keba andrearekin
ez nago aldrebes
baina tailerra aspaldi
ez doa hain errez
ta hona etortzen naiz
kezkatzen naizenez
jubilatu naiz baina
erretiratu ez. (bis)
J.M. Irazu:
Erretiratu ez ta
bota du jo ta su.
Hori hola ote dan
ez dakit ba aizu.
Lehengoko serbizio
berbera daukazu:
lehen lana nahiko gutxi
orain enbarazu. (bis)
B. Gaztelumendi:
Garai batean nintzen
hemengo izarra
ta orain ni langile
ta hala’re ni txarra.
Kotxe konpontzeko zen
tailer on samarra
ta orain berak dauka
konpondu beharra. (bis)
J.M. Irazu:
Kotxe tailerrarena
hain da lan lizuna
bakarrik beteko det
nik eginkizuna
zuk etxean daukazu
emazte kuttuna
zuri ITVa
pasako dizuna. (bis)
B. Gaztelumendi:
Horko Renaulta dago
ai olio premiz
besteak berriz ura
baju dauka neurriz.
Segi zazu lanera
intentzio haundiz
bihar goizean hemen
izango naiz berriz. (bis)
Datu-base honetan eskainitako informazioari buruz jakiteko, kontsultatu lege oharra