Bertsoak - Fitxa ikusi Atal honi buruz gehiago jakiteko
2013-10-05 Markina-Xemein Txapelketa [Bertsoa] / Onintza Enbeita
| Bertsoa entzun |
2013-10-05 Markina-Xemein Txapelketa [Bertsoa] / Onintza Enbeita
Neurria:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
Ama izatea baino
desiorik ez gehiago
amama egin ninduten
urteetan aurrerago.
Iloba ikusten nuen
denak baino ederrago
ikustera joaten nintzen
ia egunero, klaro.
Gaur egun residentzian
nago ez da hain arraro
ilobaren falta hartuta
hementxe nago luzaro
mundua aurrera doa
ta ni hemen geldik nago. (bis)
Hemen zer dago ba: hiru
saloi triste ta zazpi mahai
egun guztiak berdinak
ez astegun eta ez jai.
Nahiz ilobaren bisitak
jarriko nindukeen alai
saiatu nahi dut egoten
bere esperoan lasai.
Hau hain da leku tristea
hau oso tristea da, bai
hemen dagoenez hainbat
heriotz eta hil usai
ni ezin naiz joan eta
berak ez du etorri nahi. (bis)
Hemen egunik gehienak
joan egiten dira joan
guztiok itxaropentsu
datozenen arrastoan.
Bisitarik gabe nago
berriro ere gaurkoan
nire minak, nire penak
denak hartuta kolkoan.
Ilobari ezin esan
“Etorri hona atoan”
baina barre bat jantziko
dut gaur be lotarakoan
ta bihar esnatuko naiz
etorriko delakoan. (bis)
Datu-base honetan eskainitako informazioari buruz jakiteko, kontsultatu lege oharra