BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (16. 2013)

Saioa

2013-10-05 Markina-Xemein Txapelketa

Gai-emailea

Beitia, Idoia

Bertsolariak / Egileak

Enbeita, Onintza

Fernandez, Eneko

Lana

Binaka gaia-emanda

Jarritako gaia

Bikotea zarete. Zuk, Eneko, zure hainbat argazki eman dizkiozu Onintzari, etxean jartzeko. Oraindik ez du bat bera ere jarri.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2013-10-05 Markina-Xemein Txapelketa [Bertsoa] / Onintza Enbeita, Eneko Fernandez

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

E. Fernandez:
Nahiz ta etxea ez den
sobera ttikia
ezer ez jartzea al duzu
ja erabakia?
Zein dugu arrazoia
zein da aitzakia
etxean ez jartzeko
nire argazkia? (bis)

O. Enbeita:
Argazki bat barreka
ta aurpegi alaiz
beste bat eserita
ta patxada lasaiz.
Hormetan jartzea da
gu biontzako gaitz
gehiegi ikusita
nazkatu egingo naiz. (bis)

E. Fernandez:
Nazkatuko zarela
ta zenbat istori!
Argumentu guztiak
lurrera erori
ez duzula jarri behar
hori ez dago ongi
aunitz maite ez nauzun
seinale da hori. (bis)

O. Enbeita:
Maite zaitut zurekin
nago ni gustora
eta zuk badituzu
horren hainbat froga
hori sines dezazun
zuk hemendik gora
argazkiei muxuka
ez naiz hasiko ba! (bis)

E. Fernandez:
Argazkiak jartzea
maitasunaren truk
dentako badituzu
aitzakia batzuk
tanereak ez baittuzu
gaur ipini nahi zuk
igual Jonen etxean
ipiniko dittut. (bis)

O. Enbeita:
Zure jarrera horrek
ematen du pena.
Parkatu baina ez dut
ikusten problema.
Bale ba banaketa
izango da onena
Jonentzat argazkiak
niri beste dena. (bis)