Biografías - Ver ficha   Más información sobre esta sección

Emile Larre

Datos personales

Nombre
Larre, Emile
Nombre y apellidos completos
Larre Otxobi, Emile
Nacimiento
1926 Baigorri + Baigorri < Baigorri-Ortzaize < Baxenabarre < Euskal Herria
Defunción
2015 Kanbo + Kanbo < Lapurdi Garaia < Lapurdi < Euskal Herria

Bertsolarismo

Principal dedicación
Seleccionador de temas
Dedicaciones
Juez
Promotor
Gai-jartzailea

Datos biográficos

Biografía
Manex Larre eta Mari Otxobiren semea; hiru anaietan (Emile, Jean Pierre eta Albert) zaharrena. 11 urte zituelarik Uztaritzeko Apaiztegi ttipirat bidali zuten (1937) eta Piarres Lafitteren ikaslea izan zen bertan (eragin nabarmena izan zuen honek Emile eta garaiko beste hainbatengan: "Lafitteren umeak" deituak). Uztaritzetik Maulera bidali zuten irakasle-lagun urtebeterako (1944)eta Mauletik Baionako apezgaitegi nagusira (1945-52). 1951ko ekainaren 29an apeztu zen. Baionan eman zuen lehen meza eta bere sorterrian, Baigorrin, ondokoa. Hazparnen bikario (1953), Donibane Garaziko Maiorga eskolan irakasle (1954-56), Urruñako bikario (1956-1962), Hazparneko misio-taldekide (1962-69), Aiherran erretor (1969-80) bai eta Irisarrin (1980az geroz).

Batikano II. kontzilioaren ondotik Elizak ezagutu duen berritze mugimenduan, liturgia euskaratu duten eragileetariko bat izan da. Erretiroan, Garazin egon ondoan, osagarri arazoak ukanik Kanboko Arditeia zahar-etxera joan zen beste apez lagun batzuen inguruan. 2015ko maiatzaren 30ean zendu da. Herria astekariko zuzendaria izendatua izan zen 1969an eta editorialista izan da. Euskaltzaindiako partaide eta Ahozko Literatura batzordeko kidea, Euskaltzain oso izendatu zuten 1975an (Lafonen ordez).

Euskalzalea izan da batik bat Emile Larre. Bertsolaritza alorrean, betidanik Ipar Euskal Herrian bertso irakasle (Herria aldizkarian argitaratzeko igortzen zizkieten bertsoak sarritan itzultzen omen zituen makurra non zuten eta bertsoen arauak adieraziz: Mendiburu, Alkhat, Laka, Arrosagarai, Mihura e.a. lekuko), eragile (eragile lanak egin zituen; bere eraginez plazaraturiko asko ez dabiltza egun: Beskoitzeko Larre, Jean Baptiste Irigarai arrosatarra, Etxeberri oztibarretarra, Merkapide jutsiarra esate baterako) eta sustatzaile izan da (saio ugariren antolatzailea, Urruñakoa esate baterako, berak antolatu zuen 1958-62 bitartean) gai-jartzaile ere bai askotan.

Iturria:
- Haitzondo egitasmoa, Bertsozale Elkartea
- Euskal Kultur erakundea. http://www.eke.eus/eu/kultura/bertsularitza/ipar-euskal-herriko-bertsularitza/bertsulariak/antologia/larre

Comienzos en el bertsolarismo

Lehen plaza
Urruñan, 1958an , antolatzaile

Otros trabajos

Bertso jarri ezagunenak
Aiherrako herria ; Euskal eliza gure herrietan ; Baigorriko herriak ; hegalak urrun tu ; Krixto apeza ; Azken gau orroitgarria ; Fededunek biltzarre ...
Berrogei bat eliz-kantu.